9

काय म्हणता ?

"काय राजा, काय म्हणतोस ? शिक्षण संपले न तुझे आता ? आता पुढे काय ? नोकरी ? कुठे ? तुला Infosys मध्ये पण मिळाली होतीस ना ? मग तिकडे का नाही जात ? माझ्या अमुक-अमुक चा तमुक आहे Infosys मध्ये"
"काय राजा, काय म्हणते नोकरी ? तुम्हा IT वाल्यांची ऐट असते एकदम. ५ दिवस काम, २ दिवस आराम !"
"काय राजा, कालची रेव्ह पार्टी आणि अटकेची बातमी वाचलीस का ? IT वाले होते म्हणे बरेच. तुझ्या ओळखीचे होते का कोणी ? तुम्ही असले काही करत नाही ना ? तुम्ही चांगल्या संस्कारी घरातील मुले असे काही करणार नाहीच म्हणा, पण काळजी वाटते म्हणून विचारले."
"काय राजा, नोकरी लागली, आता जागेचे काय ? काय म्हणतोस ? भाव वाढलेत ? ते पण आहेच म्हणा, पण खरे सांगू का, तुम्हा IT वाल्यांमुळेच पुण्यात जागेच भाव एवढे वाढले आहे. "
"काय राजा, अमेरिकेला जाणारेस म्हणे, छान छान, इकडे परत येणारे का तिकडेच settle होणार आता ?"
"काय राजा, आहे का ओळख ? नाही तू आता अमेरिका रिटर्न, तू कशाला आमची ओळख ठेवतोस ?"
"काय राजा, आता लग्न कधी ? का जमवले आहेस तू तुझे तुझे ? तसे असले तरी आम्हाला सांगितलेस तरी चालेल हो ! हल्लीची पिढी पुढारलेली आहे. "
"काय राजा, कसा चालू आहे संसार ? लग्न बाकी उत्तम झाले हो ! आणि आपल्यातीलच केलीस हे उत्तम !"
"काय राजा, good news कधी देणार आहेस ?"
"राजा, good news मिळाली हो ! अभिनंदन !"
"राजा, मुलगा अगदी गोड आहे, तुझ्यावरच गेलेला दिसतोय."
"काय राजा, काय नाव ठेवलेस मुलाचे ? अथर्व ? उत्तम !"
"काय राजा, मुलाला कोणत्या शाळेत घालणार आहेस ? तू काय इंग्रजी शाळेतच घालणार म्हणा ! फिया केवढ्या वाढल्यात हल्ली ! तरी तुमचे double income आहे, त्यामुळे तुम्हाला काही टेन्शन नाही. "
.
.
.
(अशीच बाष्कळ बडबड..)
.
.
.
"काय राजा, मुलाला पण कॉम्पुटर इंजिनियर करणार का ?"
"काय राजा, पेढे कुठे आहेत अथर्वच्या बारावीच्या निकालाचे ? "
"काय राजा, मुलाला कुठे मिळाली admission ? PICT ? हे कुठे आहे ? हल्ली काय म्हणा, गल्लोगल्ली कॉलेजेस निघाली आहेत. पैसे फेका आणि डिग्र्या घ्या. "
.
.
"काय अथर्व, शिक्षण संपले ना तुझे ? आता पुढे काय ?"

9 प्रतिक्रिया:

Potter said...

Recursive function "शत्रुपक्ष" :-P

hrushikesh said...

Mastach !!!

Yogesh said...

ज..ह..ब..री..लिहलय :D

सुहास झेले said...

हा हा हा .. जबरी :) :)

nivaantharshad said...

ek typical brahmani mentatlity ahe..
jabardast!

shuklendu said...

पिढीजात infinite loop

Vedang said...

poracha naav atharva thevnaares tar... uttam ho! ata atharva sathi lahan bahiNicha paN vichaar kara!

अक्षय said...

jabardastach!
ani typical dialogs ahet!
Ekach number!

lalit+007 said...

ABHYA LAY BHARI