4

हैसियत

हिंदी चित्रपटांच्या वैशिष्ठ्यांपैकी एक वैशिष्ठ्य म्हणजे हैसियत. या हैसियतीबद्दल बोलताना "माझी फिल्लमबाजी" मध्ये कणेकर म्हणतात,

हिंदी चित्रपटात प्रत्येक व्यक्तीला किमान २ हैसियती असतात. "शक्ती" चित्रपटात दिलीप कुमारचा संवाद आहे, "इस वक्त, में तुम्हारे सामने बाप के हैसियत से नही. बल्की एक पुलिस अफसर के हैसियत से खडा हुं !" तूच न तो ? तोच ना तू ? अरे फरक काय पडतो आम्हाला ?


हे हैसियतीचे प्रकरण फक्त चित्रपटापुरते मर्यादित असते असेल मला वाटत होते. पण हे खऱ्या जीवनात पण असते हे हल्लीच कळले. काल आयबीन-लोकमत वर अनिरुद्ध देशपांडेची मुलाखत चालू होती. आय.पी.एल. मध्ये पुण्याच्या संघासाठी लावलेली बोली वैयक्तिक असून तिचा पवारांचे समभाग असलेल्या कंपनीशी काहीही संबंध नाही हे तो सारखे सांगत होता. बोलीसाठी सदर केलेले कागदपत्र कंपनीच्या नावाने असले तरी बोली मात्र एक सच्चा पुणेरी या नात्याने लावली होती हे तो सांगत होता. (अर्थात पवारांचा याच्याशी काहीही संबंध नाही हे सांगणे ओघाने आलेच !) "मैने ये बोली कंपनी manager के हैसियत से नाही बल्की एक पुणेकर के हैसियत से लगाई है ! " असे तो कधी बोलतोय याची मी वाट बघत होतो. पण तो कदाचित हिंदी चित्रपटप्रेमी नसेल म्हणून तो हे वाक्य म्हणाला नाही.

आता यात त्याची काय चूक ? आणि लोक लगेच पवार साहेबांना दोषी ठरवून मोकळे झाले.