3

Inception - Review



क्रिस्टोफर नोलन लिखित, दिग्दर्शिक, निर्मित "इंसेप्शन" या चित्रपटाची सुरुवातीपासूनच हवा निर्माण झाली होती. सामान्यपणे, असे over-hyped चित्रपट प्रेक्षकांच्या अपेक्षा पूर्ण करू शकत नाहीत. परंतु हा चित्रपट प्रेक्षकांच्या अपेक्षा सर्वार्थाने पूर्ण करतो.

चित्रपटाची कथा थोडक्यात, साध्या शब्दांत, spoilers न देता सांगणे जरा कठीण आहे. पण तरी प्रयत्न केला आहे.

चित्रपटातील इंसेप्शन म्हणजे एखादी कल्पना दुसऱ्या व्यक्तीच्या मनात अश्या पध्दतीने भरवणे कि त्या व्यक्तीला हा विचार आपल्यालाच सुचला आहे वाटले पाहिजे. हे संमोहन नाही. हा त्यापेक्षा फारच वेगळा प्रकार आहे. चित्रपटातील प्रमुख पात्र Cobb (Leonardo DiCaprio) हा लोकांची गुपिते चोरणाऱ्या टोळीचा प्रमुख आहे. एका विशिष्ठ तंत्राचा वापर करून तो एखाद्या व्यक्तीला झोपवून त्याचे स्वप्नाचे जग निर्माण करतो, त्यात घुसून व्यक्तीची रहस्ये मिळवतो आणि आपले विचार त्या व्यक्तीच्या मनात घुसवतो. कथेतील मुख्य plan हा Robert Fischer Jr या एका प्रसिद्ध उद्यापतीच्या मुलाच्या मनात एक विचार पेरण्यापासून होतो आणि मग सुरु होतो स्वप्नाच्या जगातील एक थरारक खेळ. स्वप्नात स्वप्न, त्यात स्वप्न, त्यात अजून एक स्वप्न अश्या स्वप्नाच्या layers मध्ये आपण गुंगून जातो.आणि स्वप्न आणि वास्तवातील फरक धूसर होत जातो.

Leonardo DiCaprio चा अभिनाय नेहमीप्रमाणेच वाखाणण्याजोगा आहे. त्याचे त्याच्या पत्नीशी असलेले नाते, मुलांवरचे प्रेम हा चित्रपटाच्या कथेतील महत्वाचा भाग आहे.

चित्रपटातील actions scenes, animated scenes तर उत्तमच, शून्य गुरुत्वाकर्शणातील मारामारी कहरच आहे. कथेला वेग असल्यामुळे चित्रपटाची लांबी जरी नेहमीच्या इंग्रजी चित्रपटांच्या तुलनेत जास्त असली तरी ते जाणवत नाही. Hans Zimmer च्या पार्श्वसंगीतामुळे अजून मजा येते.



हा लेख वाचून चित्रपटाची कथा जरा कठीण वाटत असली तरी सोप्या शब्दात सांगायचे तर हा वर्षातील सर्वोत्तम चित्रपटांपैकी एक आहे. नक्की बघा.

(फोटो - आंतरजालावरून साभार )

3 प्रतिक्रिया:

THE PROPHET said...

बघावाच लागेल आता...
पोस्ट वाचली नाही पुरी..स्पॉयलर्स आहेत म्हणालास म्हणून...:P

सागर said...

बघावाच लागेल आता...
पोस्ट वाचली नाही पुरी..स्पॉयलर्स आहेत म्हणालास म्हणून...:P :+1

विक्रम एक शांत वादळ said...

Barech aikale aahe ya chitrapatabaddal nakkich pahnar ahe

thnx for review