2

कुठे जातो तुमचा आयकर ? - ३

निकृष्ठ दर्जाची स्टेडियम बांधण्यासाठी

सूत्रांनी दिलेल्या माहितीनुसार राष्ट्रकुल क्रीडा स्पर्धेच्या स्टेडियमच्या छतावरील पाणी साठून ते झिरपत आहे, छतावरील टाइल अचानक खाली पडत आहेत. काही ठिकाणी छताचे, भिंतीचे पोपडे उडाले आहेत. अनेक ठिकाणी पाणी साचून राहत आहे. उच्च दाबाच्या वायरी ठिकठिकाणी लोंबकळत आहेत. उद्‌घाटनासाठी स्टेडियम तयार करण्याच्या प्रयत्नात सर्व काही ड्रेनेजमध्ये ढकलले जात आहे. सिमेंट तसेच अन्य गोष्टी ड्रेनेजमध्ये गेल्या आहेत. आत्तापर्यंत विविध स्टेडियमवर झालेल्या खर्चाबाबतची अधिकृत आकडेवारी लक्षात घेतल्यास त्यासाठी तब्बल 10 हजार 550 कोटी खर्च केले आहेत.


राष्ट्रकुल क्रीडा स्पर्धेला जेमतेम सव्वादोन महिने बाकी असताना स्टेडियमची अवस्था अचानक सुधारण्याची चिन्हे नाहीत. मला आधी वाटले होते कि अभियांत्रिकीच्या विद्यार्थ्यांप्रमाणे सगळे शेवटच्या सेकंदाला करणार आहेत काय हे लोक ? पण अभियांत्रिकीच्या exam/submission ला जे चालते ते सगळीकडे चालत नाही. माझ्या मते या स्पर्धेचे आयोजन फक्त सुरेश कलमाडी यांच्या हट्टापायी करण्यात येत आहे. उगीच कुठेही "जागतिक दर्जाच्या सुविधा" देण्याच्या घोषणा करायच्या (गेली कित्येक वर्षे पुण्यात हेच चालले आहे.) कि झाले.

इथे तर फक्त स्टेडियमवरचा खर्च दिला आहे. पूर्ण स्पर्धेच्या आयोजांसाठी, प्रसिद्धीसाठी, उद्घाटन समारंभात बॉलीवूडच्या नट-नट्यांना नाचवण्यासाठी(भारताची संस्कृती जगाला दाखवायला नको का ?) अजून किती खर्च होणार कोणास ठाऊक ?

2 प्रतिक्रिया:

THE PROPHET said...

कलमाडींना म्हणावं 'आवरा' आता!

rajas said...

कलमाड़ी ना म्हणाव नाचायला बॉलीवुड स्टार्स कशाला शेवटपर्यंत तुम्हालाच नाचायाचे आहे .....