2

Random thoughts - 8

१) काईट्स प्रदर्शित होईपर्यंत चित्रपटाबद्दल कोणतेही वाद निर्माण झाले नव्हते. या एकाच कारणामुळे चित्रपट चांगला असण्याची थोडीशी आशा मला वाटत होती. पण अर्थातच माझ्या अपेक्षेप्रमाणेच चित्रपट वाईट निघाला. चित्रपटाच्या कथेचा आणि नावाचा काहीतरी संबंध असतो यावर हल्ली लोकांचा फारसा विश्वास राहिलेला नाही. एकमेकांची भाषा समजणाऱ्या दोन प्रेमी जीवांची ही कहाणी आहे. आणि या "कथेची गरज" म्हणून मेक्सिकन बार्बरा मोरीला चित्रपटात घेतले आहे. हे लॉजिक ऐकल्यावर माझ्या मनात विचार आला कि यासाठी मेक्सिकन मुलीची गरज काय ? भारतातच एवढ्या भाषा बोलल्या जातात. एखादी दक्षिण भारतीय अभिनेत्री घेतली असती तरी चालले असते कि. कमी बजेटमध्ये झाला असता चित्रपट. कमी बजेट = कमी तोटा :P


) बझवर टाकलेल्या एका सी. आय. डी. पुणेरी पाटीलला मिळालेला प्रतिसाद पाहून ती
आणि अजून पाट्या इकडे टाकत आहे.
अ) घराच्या दारावर लिहिलेली पाटी -
) घराची किल्ली शेजारी ठेवली आहे. सी. आय. डी. च्या लोकांनी आपले ओळखपत्र दाखवून किल्ली घ्यावी. ताकद आहे म्हणून उगाच आमच्या घराचा दरवाजा तोडू नये
.
२) सी. आय. डी. चे ऑफिस वरच्या मजल्यावर आहे. ऑफिस बंद असेल किंवा ऑफिसात कोणी नसेल तर तक्रार सांगण्यासाठी इकडे येवू नये.
ब ) एका Pathology testing lab च्या बाहेर लावलेली पाटी -
आमच्या येथे कोणत्याही टेस्टचा निष्कर्ष कळण्यासाठी किमान २४ तास लागतील. २ मिनिटांत कोणताही निष्कर्ष सांगणारे Dr. साळुंखे फक्त सी. आय. डी. मध्ये काम करतात.

) "कपड्यांचा नवीन स्टॉक" ही काय भानगड आहे हे मला कधीच कळलेले नाहीये. बायका दुकानात गेल्यावर आधी "नवीन स्टॉक दाखवा" असे म्हणतात आणि तो जो स्टॉक दाखवेल तो बघतात. त्यांना नवीन आणि जुन्या स्टॉक मधला फरक कळतो का ? आणि कळत असेल तर कसा ?

४) इंडिअन आयडॉल चा नवीन सिझन सुरु झाला आहे. त्यात अभिजीत सावंत सूत्रसंचालक आहे. वास्तविक त्याला बघून तरी स्पर्धकांनी स्पर्धेतून बाहेर पडायला पाहिजे होते. अभिजीत सावंत हा इंडिअन आयडॉल चा सगळ्यात प्रसिद्ध पावलेला विजेता. बाकीच्या विजेत्यांची नावे पण कोणाच्या लक्षात नाहीत. आणि तोच जर आता हे काम करत असेल तरया स्पर्धेतील विजेत्यांच्या भविष्याबद्दल बोलायलाच नको.

५) बहुतेक वेळा सकाळी ऑफिस मध्ये जाताना विमानांचा आवाज ऐकू येतो. वायुदलातील विमानाचा सराव चालू असतो. पण गाडी चालवत असल्यामुळे वरती बघत बसता येत नाही. अश्याच एका सकाळी मला हा विचार सुचला -
रस्त्यावरून
गाडी चालवत असताना विमानाचा आवाज ऐकू आला तर आकाशात बघत बसू नये. तसे केल्यास आपण (विमानापेक्षाही खूप) वर जाण्याची शक्यता असते
.

2 प्रतिक्रिया:

THE PROPHET said...

कपड्यांचा नवीन स्टॉकवरून मला पुलंचा नवा नागपुरी स्टॉक आठवला! ;)
जबराट एकसेएक! अभिजीत सावंत हा फिनॉमेनन खरंच डोळे उघडणारा आहे!

Pratham said...

Mazya mitrane fbvar Kites cha mast review lihila ahe.


He is Indian,She is Mexican...
& audiance is bored.