2

श्वान हॉस्टेल

कुत्र्यांबद्दल आणि विशेषत: त्यांच्या मालकांबद्दल पु.लं.नी एवढे लिहून ठेवले आहे कि अजून कोणी काही लिहायची गरजच नाहीये. तरीपण कुत्र्यांबद्दल आणि त्यांच्या मालकांबद्दल ऐकलेले काही लेटेस्ट किस्से इकडे लिहित आहे.

------

कुत्र्यांचे हॉस्टेल हि कल्पना मी जेंव्हा ऐकली तेंव्हा मी उडालोच होतो. कुत्र्यांचे पाळणाघर (मला नक्की शब्द माहित नाही !) ही कल्पना आता नवीन नाही. ती आता गरजही बनली आहे. काही दिवसांसाठी बाहेर जायचे असेल तर पाळीव प्राण्यांना कोठे ठेवायचे हा प्रश्न नेहमीच पडतो. कुत्र्यांच्या पाळणाघरात कुत्र्यांना काही दिवसासाठी सांभाळले जाते. काही दिवसांपूर्वी अक्षयने मला त्याच्या शेजाऱ्यांची सुरस आणि चमत्कारिक कथा ऐकवली.

हे शेजारी वर्षातील बराचसा काळ देशाबाहेरच फिरतीवर असायचे. कधीतरी त्यांच्या पुण्यातील घरी १५-२० दिवस राहायचे. त्यांनी एक कुत्रा पाळला होता. ते जेंव्हा घरी राहायचे तेंव्हाच त्याचे पालन करणे त्यांना जमत होते. मग त्यांनी कुत्र्याला चक्क हॉस्टेलमध्ये ठेवले. वर्षभर कुत्रा तिथे राहायचा आणि सुट्टीत थोडे दिवस मालकांकडे यायचा.
शेजारी कुत्र्याचा वाढदिवस केक, फुगे, पार्टीने जल्लोषात साजरे करायचे. अर्थात या पार्टीसाठी आजूबाजूच्या कुत्र्यांना बोलावयाचे का नाही ते मात्र माहित नाही. नाहीतर "आज आमच्या कुत्र्याचा (येथे त्याचे नाव असते. कुत्र्याला त्याच्या नावानेच हाक मारतात. नुसते "कुत्रा" म्हणत नाहीत.) Happy birthday आहे तर तुम्ही तुमच्या कुत्र्याला(येथे कुत्र्याचे नाव टाकावे) घेवून यावे" अशी चिठ्ठी शेजारी आली असती.

असेच चालू राहिले तर अप्पासाहेबांना शुभेच्छा देणाऱ्या या पाटीत sarcasm राहणार नाही नाही. हौशी श्वान मालक खरोखर अश्या पाट्या लावतील.


(फोटो पुणेरी पाट्या वरून साभार)
--------

आमच्या नवीन शेजाऱ्यांकडे कुत्रा आहे. त्याला सगळे येते हे मी विनायकला सांगत होतो. माझे जरा वेळ ऐकून घेतल्यावर तो शांतपणे म्हणाला, "सगळे, सगळे म्हणजे काय ? इकडे ये, तिकडे जा, खाली बस, उभा राहा, भुंकू नकोस, हे आण एवढ्या ५-६ क्रियाच त्याच्याकडून अपेक्षित असतात, आणि जर त्याला एवढे पण जमत नसेल तर कुत्रा काय पाळता ? गाढवच पाळा ना. "

2 प्रतिक्रिया:

आनंद पत्रे said...

हा हा मस्तंच

Salil said...

Vaidya, likhaNachi style mast jamatiye - tirkas kokaNi thasa alela ahe!

@this post
holly shittt!!
"Appasaheb urfa Jacky!"
OO mannn, chipaad paNachi height ahe!!

@Rao, "arree apala to baLya shewaTi Raooo!" :-P