3

चिल्ड्रेन ऑफ हेवन

कालच चिल्ड्रेन ऑफ हेवन पाहीला. खूप ऐकलं होतं, आमच्या कॉलेजच्या विद्यार्थ्यांनी यावर केलेले नाटकही बघितले होते. काल प्रत्यक्ष चित्रपट पाहण्याचा योग आला. खरच नितांत सुंदर चित्रपट आहे हा.

चित्रपटाची कथा बहुतेकांना माहित असेलच. नेहमीच्या बॉलीवूड, हॉलीवूड चित्रपटांपेक्षा हा चित्रपट बघणे म्हणजे एक सुखद अनुभव होता. साध्या साध्या प्रसंगातून दिग्दर्शक माजिद माजिदी यांची ताकद कळते. झाराचे बूट हरवल्यावर अलीचे ते शोधणे, घरी येवून झाराला आपले बूट घालण्यासाठी विनवणे, वडिलांची गरिबी पाहून त्यांना बूट हरवल्याचे न सांगणे, अलीचे जुने बूट धुताना पाण्याचे फुगे करून खेळणे, अलीचे बूट घालून धावत घरी येताना १ बूट गटारात पडल्यावर झाराची बूट मिळवण्यासाठी चाललेली धडपड, धावण्याच्या शर्यतीत अलीचे तिसऱ्या क्रमांकासाठी धावणे, स्पर्धेत पहिले आल्यावर अलीचा रडवेला चेहरा अश्या अनेक प्रसंगात आपण चित्रपटाशी एकदम समरस होवून जातो. चित्रपटाचे कास्टिंग एकदम परफेक्ट आहे. विशेषत: अली आणि झारा यांचा अभिनय, त्यांच्या चेहरयाचे expressions तर लाजवाब आहेत.

मला वाटते, "हा चित्रपट नक्की बघा" हे सांगण्यासाठी एवढे पाल्हाळ पुरेसे आहे. तेंव्हा मी आता थांबतो. हा चित्रपट गूगल व्हिडिओवर पण उपलब्ध आहे. भाग आणि भाग या २ भागांत तो पाहता येईल.

3 प्रतिक्रिया:

आनंद पत्रे said...

वादातीत. अप्रतिम चित्रपट आहे हा.

Tushar B Kute said...

खरोखर खूप अप्रतिम असा हा चित्रपट आहे.

Jitesh Shah said...

khup aaikla hota.. aapla arts circle chi ekankika pan pahili hoti.. post vachlyavar actual download karun baghaycha tharavla.. bhaari movie a!

Last 5 min tar apritam picturise kelet.. explicit dakhavnyapeksha abol thevun khup kahi sangitlay!