5

Random thoughts - 6

१) सचिनला भारतरत्न देण्याची मागणी आता सर्वच राजकीय पक्ष करत आहेत. त्याला भारतरत्न मिळणार यात शंका नाही, फक्त कधी मिळतोय हाच प्रश्न आहे. सचिनला भारतरत्न देण्याची मागणी सर्वच पक्षांनी केल्यामुळे त्याला तो मिळाल्यावर "आम्ही मागणी केल्यामुळे सचिनला आत्ता लगेच पुरस्कार मिळाला" अश्या आशयाचे फलक सगळीकडे सगळीकडे लागणार का अशी शंका मला येत आहे.

२) पु. ल. देशपांडे यांचे लेखन आवडत नसणारी माणसे या जगात आहेत याचा मला आत्ताच शोध लागला. मला त्यांचे लेखन न वाचलेली/ऐकलेली माणसे आहेत, मला आंबा न आवडणारी माणसे माहित आहेत. पण पु.लं. चे लेखन न आवडणारी आणि हे अभिमानाने सांगणारी माणसे मी पहिल्यांदाच बघितली. "पु. ल. आवडत नाहीत, तर मग काय आवडते ?" हा प्रश्न विचारण्याचे धाडस मला झाले नाही.

३) "माय नेम इज खान" हा चित्रपट काही काळापूर्वी बघितला. मला वाटते की हा चित्रपट बकवास आहे हे शिवसेनेला आधीच माहित होते आणि असा चित्रपट बघण्यापासून लोकांना रोखणे हाच त्यांच्या आंदोलनाचा खरा हेतू होता. चित्रपटात शाहरुख खान फार मोठा, ऐतिहासिक(??) प्रवास करून अमेरिकेच्या अध्यक्षांना भेटतो आणि आपण अतिरेकी नसल्याचे सांगतो. हे पाहून माझ्या मनात एक प्रश्न आला कि एवढा मोठा प्रवास करण्यापेक्षा तो ओबामांना tweet करून हे का सांगत नाही ? तसेही ते twitter वर आहेत.

४) मध्यंतरी राहुल गांधी मुंबईत आलेले असताना रमेश बागवेंनी त्यांचे जोडे उचलून आपल्या लाचारीचे प्रदर्शन घडवले. त्यावर सर्वच बाजूंनी टीका झाली. इतर सर्व पक्षांनीसुद्धा त्याचा निषेध केला. हे पाहून माझ्या मनात विचार आला की आजच्या घडीला असा कोणता राजकारणी आहे जो आपल्या पक्षाच्या मोठ्या नेत्याचे जोडे उचलणार नाही. मला तरी असे कोणते नाव सुचले नाही. कोणाला असा नेता माहित आहे का ?

५) हॉकी विश्वचषक स्पर्धा सध्या सुरु आहे. त्याच्या प्रसिद्धीसाठी इतर क्षेत्रातील व्यक्तीचा वापर हिरो होंडाने त्यांच्या जाहिरातीमध्ये केला. त्यावरून हॉकीची परिस्थिती कळते. सेहवाग, प्रियांका चोप्रा, राज्यवर्धन राठोड यांच्या जाहिराती बघून ते एकाद्या सामन्याला तरी येईल असे मला वाटले होते. पण तसे काही झाले नाही. ते सामन्याला आले असते तर सामन्यातील अर्धा वेळ camera त्यांच्यावरच असता याची मला खात्री आहे.

६) हल्ली २४ तास बातम्या देणाऱ्या वाहिन्या असल्यामुळे बातम्यांचा सुळसुळात झाला आहे. या बातम्यांत एक दृश्य हमखास दिसते की पोलीस गुन्हेगाराचा चेहरा झाकून त्याला नेत आहेत. गुन्हेगाराचा चेहरा असा का झाकतात ते मला कळत नाही. जर मला गुन्हेगाराचा चेहरा माहित असेल तर मी त्याच्यापासून सावध राहण्याचा प्रयत्न करीन. तसेही ब~याच गुन्हेगारांना जामीन मिळत असल्यामुळे ते लगेच समाजात मिसळतात. तेंव्हा जर लोकांना त्याच्याबद्दल माहिती असेल तर ते सावध राहू शकतील.

७) राम गोपाल वर्माने त्याच्या नवीन चित्रपटाच्या जाहिरातीसाठी चित्रपटगृहात एकट्याने चित्रपट पाहिला तर कितीतरी हजार रुपये देण्याची घोषणा केली आहे. ते ऐकून मला माझ्याच चित्रपट प्रदर्शन - आज कल या लेखाची आठवण झाली.

5 प्रतिक्रिया:

Sandeep said...

twitter avadla :D

@gunhegar, apla kayda mhanto ki joparyant siddha hot nahi towar thobad zaka. :)

हेरंब said...

हा हा हा.. सगळे मुद्दे एकसेएक !!!

अभिजीत said...

संदीप,
असे आहे तर !

हेरंब,
धन्यवाद

Vedang said...

@ point 2
अस कोण आहे? त्याने नक्की पु. लं. च काही एक वाचल नसणारे. उगाच काही लोकांना हे असले controversial stance घ्यायला आवडतात. For Eg : सचिन भारी नाही, साधारण आहे, शिवाजी राजे ह्यांच इतक काय कवतुक वगेरेवगेरे.

danin said...

bhariiii ahe vaidya saheb