7

Random thoughts - 5

१) चित्रपट प्रदर्शित होण्यापूर्वीच बघायचा आहे का ? Paid Preview वगैरे विसरा. चित्रपट प्रदर्शित होण्यापूर्वी १ आठवडा आधी चित्रपटावर काहीतरी आक्षेप घ्या. TV channels अश्या बातम्यांच्या शोधात असतातच. मग दिग्दर्शक तुमच्याकडे स्वत: चित्रपटाची डीव्हीडी घेवून येईल. ती आरामात बघा आणि मग "उदार मनाने" दिग्दर्शकाला माफ करा.

२) मध्यंतरी पुण्याला नळाद्वारे स्वयंपाकाचा गॅस पुरवण्यात येणार असे वाचले होते. म्हणजे आता पुढच्या निवडणुकांत (म्हणजे हि योजना कार्यान्वित झाली तर) "२४ तास गॅस, पूर्ण दाबाने गॅस पुरवठा " अश्या घोषणा असणार का ? रात्री फक्त २ तास गॅस असतो म्हणून बायका रात्रीच स्वयंपाक करणार का ?

३) राजमल लखीचंद ज्वेलर्स त्यांच्या नावाचा short form "R. L." असा करतात. हे ठीक आहे. आता हे "R. L." ते मराठीत "आर. एल." असे लिहितात. हे पण ठीक आहे. पण परत या मराठीतल्या "आर. एल." चे परत इंग्रजीमध्ये "Aarel" असे रुपांतर मी बघितले आहे. हे मात्र जास्तच होतंय. आता ते या "Aar el" चे ते मराठीत रुपांतर का करत नाहीत ? असे करत बसले तर ते infinite loop मध्ये जातील.

४) काही दिवसांपूर्वीच खोटी वैद्यकीय बिले सदर केल्याबद्दल आमदारंवर कारवाई करावी असा कोर्टाने आदेश दिला. आता हे आमदार खोटी बिले सदर का करतात ? त्यांच्याकडे पैसा कमी आहे का ? का आपण सामान्यांसारखे आहोत हे कुठेतरी दाखवण्यासाठी ?

५) सेन्सॉर बोर्ड नेमके काय काम करते हा प्रश्न हल्ली मला सारखा पडू लागला आहे. सेक्स हा शब्द असलेले संवाद आणि हि क्रिया असलेली दृश्ये वगळणे एवढेच त्यांचे काम असते का ? लोकांवर वाईट परिणाम होवू नये म्हणून ते स्वत: जातीने हि सर्व दृष्ये बघतात आणि सामान्य माणसांना बघू देत नाहीत. हेच जर त्यांचे काम असेल तर सामान्य लोकांच्या भल्यासाठी हे काम करायला मी तयार आहे. :P

६) गिनीसबुकचे लोकांना एवढे आकर्षण का असते ? या आठवड्यात पुण्यात "अंतर्नाद" नावाचा कार्यक्रम झाला. तो कार्यक्रम नक्की काय आहे या बद्दल कोणीच काही बोलत नव्हते. सुमारे ३००० लोक एका मंचावरून गाणार आणि जागतिक विक्रम करणार याचीच चर्चा चालू होती.

७) "बहुत जाहले पब्लिसिटी स्टंट" असे म्हणायची वेळ आता आली आहे. बघावे त्या चित्रपटाच्या निमित्ताने, बघाव्या त्या मालिकेमध्ये काहीतरी पब्लिसिटी स्टंट चालू आहेत. या स्टंटचा माझ्या बालमनावर फारच विपरीत परिणाम झाला आहे. कोणीही काहीही केले तरी मला आता तो पब्लिसिटी स्टंटच वाटतो. गेल्या आठवड्यात सवाईला गेलो असतानाचा एक प्रसंग आहे. पंडित जसराजांचे गायन होते, गायनाच्या सुरुवातीला तबलजीचा सूर पंडितजींच्या मनासारखा लागत नव्हता म्हणून ते त्याला मधून मधून ओरडत होते. एवढी साधी घटना. पण एक क्षणभर, मला तो पब्लिसिटी स्टंटच वाटला. मला वाटले कि आता तबलजी उठेल आणि त्याच्या असंख्य चाहत्यांचा अपमान केल्याबद्दल काहीतरी बोलेल आणि तरातरा निघून जाईल. पण तसे काही झाले नाही आणि मी भानावर आलो. या पब्लिसिटी स्टंटनी तर माझी फारच वाट लावली आहे.या पासून वाचण्याचा काही उपाय आहे का ?

7 प्रतिक्रिया:

atulsdeshmukh said...

mast lihilay...vichar karnyasarakhe mudde mandale ahet..aani kahi khuskhusheet pan..

Jitesh Shah said...

@publicity stunt... kharay! me pan uccha koticha cynic zaloy!

random thoughts chi series lay bhaari a! :-)

yog said...

fantastic post...

wp said...

# 4. Lolllll :)
# 6. Very true!

Praj ~ said...

cheers to the censorship job.. hire me if you ever get that job.. :)

shanTyA said...

nice 1 sir.........jahapana tussi gr8 ho....yala mhanatat vanshparamparagat tail buddhi....kas kay suchata yar....

danin said...

bhariii ahe vaidya saheb :)