9

The Giggle Loop

"गिगल लूप " ही BBC वरील Coupling या मालिकेतील जेफ या पात्राने वर्णन केलेली मनाची स्थिती आहे. ही फार सोपी आणि भारी कल्पना आहे. ही स्थिती बहुतेक वेळी मौन पाळण्याच्या वेळेस येते. कल्पना करा की, कोणाचा मृत्यू झाल्यावर किंवा इतर दुख:द प्रसंगी २ मिनिटे मौन पाळण्याचे ठरते. मौन सुरु होते. जसे जसे मौन पुढे सरकू लागते, तसा तसा गिगल लूप सुरु होतो. सगळे लोक एकदम शांत असतात. आणि याच वेळी तुमच्या मनात येते की आत्ता जर आपण हसलो तर तर ती सगळ्यात वाईट गोष्ट होईल. तुम्ही असा विचार केला रे केला की तुम्हाला हसू येण्यास सुरुवात होते. तुम्ही मोठ्या कष्टाने हसू दाबून ठेवता. स्वत:वर नियंत्रण मिळवता. पण तुमच्या मनात विचार येतो की आपण आत्ता हसलो असतो तर किती वाईट झाले असते. आणि तुम्हाला परत हसू येते. पण या वेळी, अजून जोरात ! तुम्ही परत मोठ्या कष्टाने स्वत:वर नियंत्रण मिळवता. मग तुम्ही विचार करता की या मोठ्या हसण्यामुळे अजून जास्त वाईट झाले असते. आणि तुम्हाला परत हसू येते. पण हे अजून जास्त मोठे असते. मनाच्या या स्थितीला गिगल लूप म्हणतात.

गिगल लूप आपण बरेचदा अनुभवतो. बरेचदा समोरील व्यक्ती काहीतरी सांगत असते आणि आपणांस हसायला येते पण आपण हसू शकत नाही. समोरील व्यक्ती काय म्हणते आहे याकडे सुद्धा लक्ष देवू शकत नाही आपण. मी अनुभवलेला सगळ्यात मोठा गिगल लूप मला चांगलाच आठवतो. काही महिन्यांपूर्वी मी अभियांत्रिकीच्या अंतिम वर्षातील प्रकल्प प्रायोजित करण्याबाबत एका मुलींच्या गटाची मुलाखत घेत होतो.(साध्या मराठीत "Final year BE project sponsorship साठी एका group चा interview घेत होतो.") मुलाखतीच्या शेवटी मी एका मुलीला project बद्दल काही ideas आहेत का विचारले. ती म्हणाली "हो. प्राण्यांसाठी संगणक". आणि तिने तिची कल्पना विस्तृतपणे सांगायला सुरुवात केली "आपण प्राणी पाळतो. पण आपण बरेचदा घराबाहेर असतो. तेंव्हा त्या प्राण्यांना कंटाळा येतो. आपण प्राण्यांसाठी संगणक बनवायचा जेणेकरून तेही संगणक वापरू शकतील. आपल्यासोबत chatting करू शकतील. आपण एखादे वेळी घराचे कुलूप लावायचे विसरलो तर त्यांना IM वर सांगायचे म्हणजे ते आतून दार लावून घेतील." मला कळले की मी गिगल लूप मध्ये फार वाईट रीतीने अडकलो आहे. मीच मुलाखत घेत असल्यामुळे मी या कल्पनेवर हसू पण शकत नव्हतो. आणि अचानक बाहेरही जावू शकत नव्हतो. शेवटी मी फार फार प्रयत्नाने स्वत:वर नियंत्रण मिळवले आणि त्या गटाला नंतर कळवतो म्हणून घरी जायला सांगितले. आणि त्या गेल्यावर मी अक्षरश; फुटलो. (माझ्या नाटक करणाऱ्या मित्रांकासून घेतलेला हा शब्द. त्यांच्या भाषेत फुटणे म्हणजे प्रचंड हसणे.)या नंतर मी बराच वेळ हसत होतो.त्यानंतर आम्ही सगळ्यांनी मिळून या कल्पनेवर विचार केला आणि त्यावर आधारित बऱ्याच भारी कल्पना शोधून काढल्या. पण तूर्तास एवढे पुरे ! आमच्या कल्पना गिगल लूप मध्ये येत नाहीत.

9 प्रतिक्रिया:

Ashutosh said...

ek no!!!
giggle loop rocks!!
pan btw tya mulinchya grp la dili ka sponsorship.. ka kayamcha giggle loop madhe adaknyachya bhitine nahi mhanalas??

Praj ~ said...

lol.. nice translation :)

anyways.. i guess tumhi nahi dili na tyanna sponsorship.. tyanni kay project kela any idea ?

Potter said...

hehehe ..awesome translation of Jeff's theory.

I had heard about that ridiculous idea for a project ...salil told the incident I think...
hasla ka nahis lagech ? porgi disayla changli hoti ka ;-)

Vedang said...

hit post aahe! *Giggle Loop* :D

Abhijit said...

@Ashutosh, @Praj

त्या मुलींना आम्ही project नाही दिला. त्या आत्ता कोणता project करत आहेत याविषयी काही कल्पना नाही. InC ला कळेल.

Leenata said...

Giggle loop theory - very true and very real :D. Bharri post!

Akshay Sumant said...

jamlay :)

Salil said...

Ask Alok (from office) about the Abida Parveen in the lift incident for another instance of Giggle Loop.

Makarand Mijar said...

arey, tyaa mulichaa patta de naa. malaa tilaa bheTun tichyaa paaya paDaaychay :D