10

चित्रपट प्रदर्शन - आज कल

कालच "अजब प्रेम कि गजब कहानी" च्या जाहिरातीकरता कतरिना कैफ पुण्यात आली होती. त्याचा वृत्तांत आज एका मराठी वाहिनीवर बराच वेळ दाखवत होते. हल्ली कोणताही हिंदी आणि काही मराठी चित्रपट प्रदर्शित होताना जाहिरातीचा एक साचेबद्ध मार्ग तयार झाला आहे असे मला वाटते.

१) सर्वप्रथम चित्रपटाचा USP ठरून घेणे. मग तो काहीही असो - सर्वात जास्त खर्च झालेला चित्रपट, सगळ्यात जास्त कलाकार असलेला, सगळ्यात जास्त stunts असलेला, bikini scene, kiss scene असले काहीही तरी चालेल. मग त्यावर जाहिरात चालू करायची.
2) चित्रपटाच्या प्रदर्शनाची तारीख जशी जशी जवळ येत जाते तसे तसे जमेल त्या वाहिन्यांना मुलाखती देणे सुरु करायचे.हळू हळू तर त्याचा कहर होतो. आणि सगळ्या मुलाखतीत माहिती तर एकाच असते.यातील काही वाक्ये खालीलप्रमाणे -
a) चित्रपटातील अभिनेत्याचे/अभिनेत्रीचे काम हे त्याच्या/तिच्या कारकिर्दीतील सर्वात आव्हानात्मक भूमिकांपैकी एक असते.
b) त्याने/तिने सहकलाकरासोबत प्रचंड मजा, दंगामस्ती केलेल्या असतात.
c) त्याच्या/तिच्या कारकिर्दीतील ही भूमिका अत्यंत वेगळी असते. चित्रपटात जरी एक item dance केलेला असला तरी अभिनेत्री हेच सांगते.
d) चित्रपटाचे लेखक/निर्माते/दिग्दर्शक यांनी फार मेहनत करून चित्रपट बनवलेला असतो, आणि त्याला/तिला पूर्ण मदत केलेली असते.
e) त्याच्या/तिचा सहकलाकार हा/ही एक उत्तम अभिनेता असतो/असते. या दोघांची केमिस्ट्री जुळलेली असते( ??)
f) फक्त अभिनेता/अभिनेत्री म्हणून नव्हे तर हा चित्रपट खरच खूप चांगला, वेगळा असल्यामुळे तो बघावा अशी प्रेक्षकांना विनंती केली जाते.

३) मग जमेल तेवढ्या रियालिटी शोजला हजेरी लावली जाते, हल्ली तसेही कुत्राच्या छत्र्यांप्रमाणे रियालिटी शोज उगवले आहेत. तिथे जावून आपल्याला काहीही काळात नसले तरी स्पर्धकांना काहीतरी बोलून यायचे.

४) एखादी फालतू स्पर्धा सुरु करायची आणि sms, orkut, facebook, twitter वरून त्याचा प्रसार करायचा.

५) मुख्य म्हणजे एखादा वाद ओढवून घ्यायचा. लोकांच्या भावना तर काय, कधीही कशाही दुखावतात. निर्माते हा वाद सुरु करतात असे मी म्हणणार नाही कारण माझ्याकडे पुरावा नाही. :P

६) चित्रपट प्रदर्शनाच्या आधी काहीतरी publicity stunt करायचा. जेल मध्ये जावून एक रात्र काढणे, चित्रपटाचे नाव "wake up sid" आहे म्हणून सिद्धार्थ नावाच्या मुलांना फुकट तिकिटे वाटण्याची घोषणा, चित्रपटगृहात एकट्याने चित्रपट पाहिला तर ५ लाख रुपये देण्याची घोषणा आणि अश्याच इतर घोषणा.

७) आपल्याकडे पुस्तकावर चित्रपट काढायची पद्धत नाहीच. मग त्यामुळे पुस्तकावरून जाहिरातीचा मार्ग कोणी अवलंबत नाही.

८) अखेरीस चित्रपट एकदा प्रदर्शित झाला कि मग जाहिराती एकदम कमी होतात. आणि चित्रपटगृहात चित्रपटाचे House Full शोज चालू आहेत अशी पाटी प्रत्येक जाहिरातीत दिसते.

साधारणपणे गर्दीच्या ठिकाणी जाण्यास लोक नाखूष असतात. पण चित्रपटगृह ही एकाच जागा अशी आहे की जिथे गर्दी असली की अजून जास्त लोक जावून अजून जास्त गर्दी करतात.

10 प्रतिक्रिया:

Praj ~ said...

ekch rahila.. "dus ka dum madhe charity sathi yeun jaycha"

Salil said...

Dardi!!
vaidya guruji samikshak hoNyachya watewar ahet!

bhaarriii lihilay :-)

Abhijit said...

@Praj

ते खरे तर रियालिटी शोज मध्येच येते ! Anyway, Thanks for suggestion !

@salil
समीक्षक वगैरे फार पुढची गोष्ट आहे रे ! हे तर फक्त प्रदर्शनाबाबत मत आहे

Nachiket said...

"त्याने/तिने सहकलाकरासोबत प्रचंड मजा, दंगामस्ती केलेल्या असतात." -
he aawadlay ... :P
chaavatt ... :D

aaNi btw English shabda English madhe lihile ki artificial naahi watatet .. Salil chya warshantar madhe hi jaanavlele ...

Sandeep said...

sahi re! :) typical zalay aaj kaal..

Pratik said...

He bhaari aahe... Very true... Blog chii theme pan bhaari aahe... :)

Leenata said...

Bharri post ahe. sagle points masta mandlet.
d. point chya jawal paas sangayche zale tar ,
naveen abhinetri ani ekhada vayaskar hero asel tar,tini tyachyakadoon khup kahi shiklele aste.Tyani tila pratyek lahan mothya goshtiwar margadarshan kelele aste.Ani tichya sathi he survatila atishay unexpected aste...karan shooting start honya adhi to tichysathi fakta ek mottha ani great superhero asto. Shooting start zalyawar matra tiche gairsamaj dur hotat. ani ata tyanchi khup changli maitri zaleli aste!

Sandeep said...

@^^^ LOL. Almost forgot about that. :D

chetan said...

aplyakade pustakavarun chitrapat kadhat nasale tari chitrapatavar pustake nakki kadhatat

ANAGHA said...

Jabri... Very well written..
Trend war hallach kela aahe... :P